Euskal Herriko astigarrik arruntena dugu hau, Europa osoan zehar banatuta dagoena. Udazkenean bueltaka erortzen zaizkien hazi xelebreengatik dira agian ezagun astigarrak eta gure mendietan nahiz herri inguruetan topa ditzakegu mota honetakoak.
Astigar arrunta
Acer campestre
Dibisioa: Magnoliophyta
Klasea:Magnoliopsida
Ordena: Sapindales
Familia: Aceraceae
Klasifikazioa: Linnaeus, 1758
Morfologia
Zuhaitz hostoerorkorra dugu astigarra, gris edo gaztain koloreko enbor-azala duena. Enbor azal honek kortxo itxura izaten du hasieran baina zartatzen joaten da urteek aurrera egin ahala, itxura ezkatatsua hartuz. Adakera borobildua da, adarkadura sendokoa, eta zuhaitzak 15 metrorainoko luzera har dezake eta enborrak asko jota 6 metroko diametroa dauka.
Hostoak
3-5 lobulu desberdineko hostoak ditu, 4-8 cm-koak. Gainaldetik glaukoak dira eta azpialdetik zertxobait tomentosoak. Ertz osoa dute, apur bat kiribildua, eta 8-10 cm-ko pezioloa, latexa duena bere baitan.
Loreak
Kolore hori-berdeko loreak ditu, adar-bukarako korinbo motako infloreszentziatan taldekatzen direnak. Korinbo hauek tenteak izaten dira eta pedizelo luzeak dituzte. Loreak hermafroditak eta aktinomorfoak dira. Kalizak 4-5 sepalo ditu eta korolak 4-5 petalo. 8 estamin dituzte, kanpo-ertzean edo nekar-diskoaren gainaldean txertatuta egon daitezke.
Fruituak
Samara motako fruituak dituzte, kasu honetan bikoteka multzokatzen direnak, hegoak oposatuki kokatuz. Astigar arruntaren samarak nahiko txikiak dira, 3-5 cm-koak, pubeszenteak.
Antzeko espezieak
Acer monspessulanum
Ihar fratsesak ez bezala, astigar arruntaren hostoek sapa ugari dute hostoetan eta samaren hegoak askoz estuagoak dira.
Banaketa
Astigar arruntak Europan du jatorria baina egun, Argelian, Asia Txikian eta Persian ere agertzen da. Euskal Herrian oso arrunta da, bereziki iparraldean.
Habitata
Habitat bereko espezie gehiago
Ekologia
Zonalde epeletan agertzen den zuhaitza dugu, baina hotza ere ondo jasan dezake. Itsas-mailatik 1200 metroko altitudera ager daiteke, zonalde eguzkitsuetan edo argiguneetan eta kareharrizko lurrak nahiago izaten ditu.
Fenologia
Zonalde epeletan agertzen den zuhaitza dugu, baina hotza ere ondo jasan dezake. Itsas-mailatik 1200 metroko altitudera ager daiteke, zonalde eguzkitsuetan edo argiguneetan eta kareharrizko lurrak nahiago izaten ditu.
Erabilerak
Egurra oso erabilia da zurgintzan eta ebanisterian eta hostoak animalientzako elikagai modura erabili izan dira. Gainera, propietate astringenteak izanagatik zenbait produktu kosmetikoetan ere erabili izan da.